Sitwayen-Lidè yo pote kole avèk APA pou yo fè salklas la ak kominote a fè yon sèl. Yo rive fè sa paske yo pataje menm idantite epi aji ansanm.
APA travay avèk Sitwayen-Lidè lokal ki ap chanje sistèm edikasyon Ayiti an pou libere li. Objektif la se bay pwochen jenerasyon Ayisyen yo zouti yo bezwen tankou konesans, konpetans, ak mantalite ki nesesè pou yo dekouvri tout sa yo kapab fè.
APA anvizaje kreye yon mouvman kolektif ki gen ladan l Sitwayen-Lidè lokal k ap travay pou granmounize sistèm edikasyon an pandan yo ap konsantre yo sou istwa, kilti, ak idantite Ayisyen an epi redefini zafè lidèchip la nan yon mannyè ki gen sans pou kominote a.
Depi 2014, APA rekrite plis pase 600 Anseyan-Lidè, Paran-Lidè ak Direktè-Lidè pou pote chanjman pozitif anndan salklas yo ak nan tout kominote a. APA ap vanse pi douvan epi nou ap fè yon gwo diferans nan kominote nou ap travay avèk yo an Ayiti. Epitou, nou ap devlope relasyon nou avèk yon dividal lidè ki ap fè chanjman pozitif nan peyi a.
