Non – li se yon òganizasyon san bi likratif ki chita kò li Ayiti. Se yon ekip Ayisyen ki mennen tout aktivite li yo. Tout ekip nou an konsantre sou yon sèl objektif: ranfòse kalite sistèm edikasyon Ayisyen an. Fè patenarya avèk lekòl patnè nou yo, òganizasyon sosyete sivil yo, gwoup ki genyen menm misyon yo anndan ak deyò Ayiti enpòtan anpil pou APA. Epitou, nou respekte pwogram ak nòm Ministè Edikasyon Ayisyen an (MENFP).
Non, misyon APA a se ranfòse kalite edikasyon Ayisyen an nan tèt kote avèk lekòl primè ki deja la yo (APA p ap bati ni louvri lekòl pa li). Nou kreye pwogram devlopman pwofesyonèl nou an pou kowòt Anseyan-Lidè nou an epi li chita sou pwomosyon ak devlopman yon modèl pedagoji ki fè gwo enpak ak yon lidèchip inifye. Nou ap chèche lidè eksepsyonèl ki pou vin jwenn nou alontèm. Anbasadè nou yo, ki gradye nan pwogram devlopman pwofesyonèl de (2) lane a, jwe yon gwo wòl. Yo reponn ak gwo bezwen ki genyen nan divès domèn nan kominote a.
Gonayiv, Gwo-Mòn, Mibalè, Boukan Kare, ak Ench se kominote patnè kote lekòl nou yo ye (nan depatman Latibonit ak Plato Santral). Alavni, APA vle angaje li plis nan kominote patnè yo. Li prevwa lanse pwogram kowòt paran ak kowòt Direktè-Lidè. Nou kwè plis yon bagay grandi, se plis li vin bon.
Pa gen okenn montan minimòm pou bay paske chak santim itil. Ou gendwa bay nenpòt montan sou paj don nou an oswa chwazi ant montan nou deja fikse yo ki se $15, $30, $50, oswa $100. Epitou, ou kapab chwazi bay regilyèman pandan yon kantite mwa espesifik.
Ale sou paj Don nou an pou fè don avèk kat kredi, chèk, Paypal, viman bankè, aksyon, fon oswa BitPay.
Angajman de (2) lane Anseyan-Lidè APA yo kòmanse avèk yon fòmasyon entansif ki dire kat (4) semèn k ap fèt soti lendi rive jiska vandredi. Fòk tout manm kowòt yo patisipe ladan l. Anseyan-Lidè yo se moun ki fè pati kowòt Anseye Pou Ayiti pandan de (2) ane lekòl youn dèyè lòt apre yo fin suiv fòmasyon entansif la.
Lè ane lekòl la kòmanse, seyans atelye yo ap fè pandan tout ane lekòl la. Jeneralman, nou òganize yo pandan yon jou ferye oswa yon fèt nasyonal nan youn nan kominote patnè yo kote moun ki fè pati kowòt yo travay antanke Anseyan-Lidè.
Anseye Pou Ayiti se pa sèlman yon pwogram devlopman pwofesyonèl de (2) lane. Li plis pase sa. Nou kore Ayisyen ki gen talan yo alontèm. Objektif nou se fè anbasadè Anseye Pou Ayiti yo rete Ayiti pou yo reponn ak yon gwo bezwen ki genyen nan zafè konpetans ak ekspètiz lokal. Anbasadè nou yo se pral anseyan pwofesyonèl ki ap pèmèt aprenan yo reyisi, Direktè-Lidè, kotch edikatif, desidè politik, manm sektè filantwopi ak sektè komèsyal Ayisyen an ki pral kontinye fè pwomosyon pou tout timoun Ayisyen genyen menm chans nan zafè edikasyon.
Tout manm kowòt APA yo ap responsab yon klas (yon ane, nivo lekòl primè) a plen tan epi administrasyon lekòl la ap sipèvize yo. Epitou, youn nan ekip kotch kominotè Anseye Pou Ayiti yo ap disponib pou l kontinye bay sipò ak kotchin.
Wi, tout pwofesyonèl kèlkeswa domèn/espesyalite yo kapab aplike. Men, sa ki pi enpòtan an se pou yo gen anvi patisipe nan ranfòse sistèm edikasyon an Ayiti epi pran angajman pou yo vin yon anbasadè misyon APA a pou jistis edikatif apre pwogram devlopman pwofesyonèl de (2) lane a.
Pandan peryòd rekritman lib la, fòm aplikasyon alavans ak fòm aplikasyon yo ap disponib nan lyen sa yo: http://anseyepouayiti.org/apply-cohort/application/.
Kòmansman mwa janvye—aplikasyon an ap disponib
Fen mwa mas—dat limit pou soumèt aplikasyon an
Mitan mwa avril—yo di kandida yo nan ki pwen yo ye
Fen mwa avril rive mwa jen—yo chwazi kandida epi fè entèvyou (se yon demach ki gen 4 pati)
Fòk tout kandida genyen 18 lane pou pi piti pou yo ka aplike pou yo antre nan kowòt Anseye Pou Ayiti a, epi fòk yo reponn ak kritè kalifikasyon yo mande yo. Pa gen okenn limit laj pou aplike.
Minimòm, fòk tout kandida yo fini etid segondè yo.
Pandan seyans fòmasyon entansif 4 semèn nan ak seyans fòmasyon san rete yo k ap fèt pandan ane lekòl la, se APA k ap peye frè patisipasyon pou manm kowòt li chwazi yo.
Wi, chak manm kowòt yo chwazi ap siyen yon kontra avèk Anseye Pou Ayiti. Epitou, li ap siyen yon kontra avèk lekòl patnè kote li pral travay la.
Tout manm kowòt yo ap touche nan lekòl patnè kote yo travay pandan ane lekòl la. Epitou, yo ap benefisye yon kòb pòch chak mwa nan kad pwogram devlopman pwofesyonèl de (2) lane a.
APA p ap kapab bay manm kowòt yo kote pou yo rete pandan ane lekòl la. Men, nou pran angajman pou nou fasilite tranzisyon tout Anseyan-Lidè yo nan zòn kote yo pral travay la. Manm pèsonèl APA yo ap kominike avèk patnè lokal yo, rasanble kontak ak rekòmandasyon pou yo asire gen bonjan negosyasyon ki fèt pou pèmèt Anseyan-Lidè yo jwenn kote pou yo rete.
Si w pa kapab jwenn repons ou ap chèche a, voye yon mesaj ba nou.